كلمات اغنية استنيني

اداء : وردي

يا راجياني و ما ناسياني
ياما الغربة بتتحداني
و انا بتحدى الزمن الجاير
لو في بعدك يتحداني

استنيني ...
وإنتي مصيرك تستنيني
كلما سحابة تلاقي سحابة
تمشي تسألي عن عنواني
كل ما تلاقي مسافر عايد
تمشي وتسألي عن عنواني
وانا عنواني عيونك انت
وأي مكان تمشيهو مكاني

يا الفرهدتي فرح جواي
انا جملتك بي ألواني
أنا علمتك تاخدي المعنى
من احساسي وتدي معاني
انا سافرت عشانك انتي
سبت البلد الما ناسياني
كم حاولت أصارحك ياما
الا العزة بقت مانعاني

استنيني ...
ولو حاولت تصدي حنيني
ياما ح تشقي ما اظن تلقي
حنين زيي يريدك تاني
الأيام وانا قربك إنتي
مهما تطول محسوبة ثواني
إنتي جمالك ياهو جمالي
إنتي زهورك من ريحاني
الأفراح بعرف ميعاده
وأي زمان تلقيهو زماني